Llên + Comedi

dydd Sadwrn 19eg Gorffennaf

11:00, Dysgu hefo Daval Donc

Sesiwn ymarfer Cymraeg yng nghwmni’r tiwtor profiadol Nikolaz Davalan.

12:00, Mari Emlyn yn holi awdur ‘Y Delyn Aur’, Malachy Edwards. | Tŷ Siamas.

Sgwrs yn trafod cofiant unigryw Malachy Edwards, ‘Y Delyn Aur’. Mae Malachy Edwards yn wynebu ei hunaniaeth hil-gymysg, aml-ddiwylliedig a chrefyddol wrth olrhain hanes ei deulu yn Iwerddon a Barbados. Yn gefndir i’r gyfrol mae ein hanes diweddar ni, yn cynnwys Brecsit a Chofid-19.

13:00, Mary Ellis a Deiseb Heddwch Menywod Cymru | Tŷ Siamas

Dr Sian Rhiannon Williams yn cyflwyno a dathlu Mary Ellis – yn enedigol o Ddolgellau, Roedd Mary Elizabeth Ellis yn un o’r merched aeth draw i America i gyflwyno’r Ddeiseb Heddwch Menywod Cymru yn 1923, ar ran y 390,296 o ferched Cymru oedd wedi ei harwyddo. Lluniwyd Deiseb Heddwch 1923 bum mlynedd ar ôl i erchyllterau’r Rhyfel Byd Cyntaf chwalu Ewrop, gyda’r bwriad o sicrhau bod menywod UDA yn clywed lleisiau menywod Cymru i gyd-weithio dros fyd heb ryfel. Bydd plac arbennig i Mary Ellis yn cael ei ddadorchuddio ar y Sgwâr am hanner dydd, dydd Sadwrn 19/7/25.

14:00, Marw gyda Kris | Tŷ Siamas

Ffion Dafis sy’n holi Kristoffer Hughes am ei deithiau difyr o amgylch y byd.

15:00, Atgofion drwy ganeuon, Gai Toms | Tŷ Siamas

Dathlu cyhoeddi hunangofiant Gai Toms, ‘Llechan yn y gwaed’, gyda sgwrs a chân (Gwasg Carreg Gwalch). Bydd y bardd a’r cyfansoddwr o Flaenau Ffestiniog yn olrhain rhai o brofiadau ei fywyd ochr yn ochr â chyflwyno detholiad nodedig o’i ganeuon, eu harwyddocâd iddo yn bersonol, eu cefndir a rhai straeon ysgafn ynglŷn â’u perfformio.

* Mynediad trwy docyn penwythos neu £10 ar y drws i’r holl sesiynau uchod. Bydd yr holl sgyrsiau yn Gymraeg gyda chyfieithu ar y pryd ar gael.

—

SuL, 20fed Gorffennaf

Sesiwn Gomedi | Tŷ Siamas | 19:30

Noson Gomedi yng nghwmni Gareth yr Orangutang, Hywel Pitts, Katie Gill, Fflur Pierce a Carwyn Blayney.

*Mynediad trwy docyn penwythnos yn unig